News‎ > ‎Classmates‎ > ‎

2013-06-21 寶刀未老

posted Jun 23, 2013, 8:07 AM by Web Master   [ updated Jun 23, 2013, 8:09 AM ]
李老闆常說他正著手寫文章,從來沒有人把這話放在心裡。

佢老闆呀!沒由來忽然惠賜鴻文,並意氣風發說目的有二:一是要讓大家知道,我們仍然後生,莫等閒,白了少年頭,就冇得玩;二是這麼多年來,睇來睇去都是周美亮和田榮先寫的文,真是淡出鳥來,所以要「拋玉引磚」,叫大家認識,什麼叫狗屁不通!老闆聲言,鴻文陸續有來!

其誠可敬,其勇可嘉,當為楷模!

(附加一句:老闆堅持低調,千叮萬囑不要寫他的全名出來;我們一於交叉佢!)

*    *    *    *    *    *    *

寶刀未老
李X強

田兄,

睇過施大衛個篇嘢,我個心蘿蘿攣,激起我的好勝本性,講下我最近我自己認為小弟的創世紀運動。

好多同學都知道我得把口,冇句真,冇乜人知道我好動一面。

五月中旬,香港成曰落雨,股票又牛皮,一向都冇做運動的我,突然唔知抽起邊條筋,一條友飛去布吉做我三十多年前做過的嘢 — 「  潛水。」

李X強一貫手多多,破壞自然生態!

我一到酒店 check in 咗, 立刻走去front desk 做個 booking。個靚女問我想去邊度潛。我話想潛水睇鯊魚,佢話個鯊魚團琴日去咗,聽日會去深潛。當佢問我有冇牌,我話sure!佢又問有牌幾多年,我屈指一算,沙麈地答三十七年!佢又問我上次幾時潛過,我支吾以對一輪,細細聲晌喉嚨講: 三十年前!

唔知個女仔佩服我定嚇壞,擘大個口:咁你要不要私人教練?我都未答佢,佢已經開咗單。

結果個泰籍教練非常專業;為咗免俾人話我吹水,特別影咗幾張相為証。

我其實想講:唔好低估自已!又話成六十歳人,以我一個從不運動的人,都可以做到,記住: Life is still young, enjoy yourself.

李老闆
2013/06/21



Comments