『將元喜合』麻雀耍樂 周美亮 2011年5月6日 （星期五）  話說打麻雀可延緩腦退化，但聽聞要間中加入新元素令腦部多活動才較有效，於是乎我們便學打『將元喜合』麻雀，四番至十二番，港幣2.5元一底，信是全城最細雞的了吧！ 牌局設在北角半山，無敵海景加下午茶點，正！Sylvia搬檯搬櫈，斟茶遞水買飯盒，唔該晒。 阿鍈說自己打麻雀向來喜歡做牌，輸死或贏勁，這次示範十番都唔食，誓要做十二番，不過就食唔到，終於輸得最勁（大約港幣85元吧，但我們打2.5元一底，阿鍈都足足輸了34底呢！） 香蘭打牌常有小息時間，錦明便代她上陣，每次Sylvia都出沖大牌給Pan，香蘭有大把籌碼落袋，笑騎騎見牙唔見眼，Sylvia就激到面紅耳赤，大叫抗議，居然重話要趕走阿Pan添；Pan Pan氣定神閑話知佢，笑咪咪代人收錢！靜儀打得咁勞氣，輸咗十幾底囉！至於邊個贏咗四十底啦喎…… 出席：鄭徽、劉錦鍈、梁香蘭、劉靜儀、周美亮、潘錦明。 |
|
|